99TV News

    సాయికృష్ణ Custody Death: SIT ఛార్జిషీట్‌లో 7 పోలీసులు

    సాయికృష్ణది కస్టడీ హత్యే.. SIT ఛార్జిషీట్‌లో 7 పోలీసులు నిందితులు

    సాయికృష్ణది కస్టడీ మృతేనని సిట్ ఛార్జిషీట్‌లో నిర్ధారణ

    సీఐ నాగరాజు సహా 7 మంది పోలీసులను నిందితులుగా పేర్కొన్న సిట్; 120 మంది సాక్షుల వాంగ్మూలాలు నమోదు

    విజయవాడ కృష్ణలంక పోలీస్ స్టేషన్‌లో గాదె సాయికృష్ణ మృతి కస్టడీ మృతేనని ప్రత్యేక దర్యాప్తు బృందం సిట్ కోర్టుకు సమర్పించిన ప్రాథమిక ఛార్జిషీట్‌లో పేర్కొంది. అప్పటి సీఐ నాగరాజు సహా 7 మంది పోలీసులను నిందితులుగా చేర్చింది.

    ప్రభుత్వ ఆదేశాల మేరకు దర్యాప్తు చేసిన సిట్, 120 మంది సాక్షులను విచారించి 263 పత్రాలను 86 పేజీల ఛార్జిషీట్‌కు జత చేసింది. నాన్ బెయిలబుల్ వారెంట్‌పై ప్రకాశం జిల్లా మార్కాపురం నుంచి సాయికృష్ణను విజయవాడకు తీసుకువచ్చి, స్టేషన్‌లో దాడి చేశారని ఛార్జిషీట్‌లో పేర్కొంది. ఆరోగ్యం క్షీణించిన తర్వాత మరణం సంభవించిందని, అనంతరం మృతదేహాన్ని దుప్పటిలో చుట్టి అర్థరాత్రి శ్మశానవాటికకు తరలించి దహనం చేశారని సిట్ తెలిపింది.

    HIGHLIGHTS

    - 7 మంది పోలీసులపై అభియోగాలు

    - 120 మంది సాక్షుల విచారణ

    - 263 పత్రాలు ఛార్జిషీట్‌కు జత

    - 86 పేజీల ప్రాథమిక ఛార్జిషీట్

    సాక్ష్యాలను మాయం చేసేందుకు నిందితులు లాకప్ డైరీ, జనరల్ డైరీ, సెంట్రీ బుక్‌లో వివరాలు నమోదు చేయలేదని సిట్ పేర్కొంది. సీసీటీవీ ఫుటేజీ మాయం చేయడం, స్టేషన్‌కు రంగులు వేయించడం, లాకప్‌ను కడగడం వంటి చర్యలు తీసుకున్నారని తెలిపింది. కేసులో లోతైన దర్యాప్తు కొనసాగుతోందని సిట్ కోర్టుకు వివరించింది.