నేటి నుంచే తిరుమల శ్రీవారి వార్షిక బ్రహ్మోత్సవాలు ప్రారంభం
తొలి రోజు ధ్వజారోహణం; రాష్ట్ర ప్రభుత్వం తరఫున సీఎం చంద్రబాబు పట్టు వస్త్రాలు సమర్పించనున్నారు
తిరుమల శ్రీ వేంకటేశ్వర స్వామివారి వార్షిక బ్రహ్మోత్సవాలు నేటి సాయంత్రం శాస్త్రోక్త ధ్వజారోహణంతో ప్రారంభం కానున్నాయి. 9 రోజుల పాటు జరిగే ఈ ఉత్సవాలకు తిరుమల మాడ వీధులు, ఆలయ పరిసరాలు ప్రత్యేక అలంకరణలతో ముస్తాబయ్యాయి.
బ్రహ్మోత్సవాల ప్రారంభ సూచికగా ఆలయ అర్చకులు వేదమంత్రాల నడుమ ధ్వజస్తంభంపై గరుడ పతాకాన్ని ఎగురవేయనున్నారు. అదే రోజు ఆంధ్రప్రదేశ్ ముఖ్యమంత్రి నారా చంద్రబాబు నాయుడు రాష్ట్ర ప్రభుత్వం తరఫున శ్రీవారికి పట్టు వస్త్రాలు సమర్పించి, ప్రత్యేక పూజల్లో పాల్గొననున్నారు. భక్తుల రద్దీని దృష్టిలో పెట్టుకుని టీటీడీ అధికారులు క్యూలైన్లు, భద్రత, పారిశుద్ధ్యం, తాగునీరు, అన్నప్రసాదం ఏర్పాట్లను విస్తరించారు.
నేటి రాత్రి 9 గంటలకు శ్రీదేవి, భూదేవి సమేత మలయప్పస్వామివారు పెద్దశేష వాహనంపై మాడ వీధుల్లో భక్తులకు దర్శనమివ్వనున్నారు. మొత్తం 9 రోజుల ఉత్సవాల్లో స్వామివారు 16 రకాల వాహనాలపై విహరించనున్నారు.
HIGHLIGHTS
- బ్రహ్మోత్సవాలు నేటి సాయంత్రం ధ్వజారోహణంతో ప్రారంభం
- సీఎం చంద్రబాబు పట్టు వస్త్రాలు సమర్పించనున్నారు
- రాత్రి 9 గంటలకు పెద్దశేష వాహన సేవ
- 9 రోజుల్లో 16 వాహనాలపై మలయప్పస్వామి దర్శనం
టీటీడీ అధికారులు భక్తులు సూచించిన మార్గాల్లోనే కదలాలని, సేవల సమయాలను గమనించి ముందుగా ఏర్పాట్లు చేసుకోవాలని తెలిపారు. ఉత్సవాల సందర్భంగా తిరుమలలో పోలీస్, విజిలెన్స్ సిబ్బందిని మోహరించారు. రానున్న రోజుల్లో గరుడ సేవతో పాటు ప్రధాన వాహన సేవలకు భారీ రద్దీ ఉండే అవకాశం ఉందని అధికారులు అంచనా వేస్తున్నారు.
