రాష్ట్రపతికి మంగళగిరి చీర బహూకరించిన లోకేశ్

రాష్ట్రపతికి మంగళగిరి చీర, ఏటికొప్పాక బొమ్మలు బహూకరించిన లోకేశ్

విజయవాడ పర్యటనలో రాష్ట్రపతి ద్రౌపదీ ముర్మును నారా లోకేశ్ మర్యాదపూర్వకంగా కలిసి సత్కరించారు

ఆంధ్రప్రదేశ్ ఐటీ, విద్యాశాఖ మంత్రి నారా లోకేశ్ శుక్రవారం విజయవాడలో రాష్ట్రపతి ద్రౌపదీ ముర్మును మర్యాదపూర్వకంగా కలిశారు. దసరా శరన్నవరాత్రి ఉత్సవాలు, జాతీయ సరస్ మేళాలో పాల్గొనేందుకు వచ్చిన రాష్ట్రపతిని నోవోటెల్ హోటల్‌లో కలిసి స్వాగతం పలికారు.

రాష్ట్రపతికి లోకేశ్ శాలువాతో సత్కారం చేశారు. రాష్ట్ర చేనేత, హస్తకళల వైభవాన్ని ప్రతిబింబించేలా మంగళగిరి చేనేత చీరను, ఏటికొప్పాక లక్క బొమ్మలను కానుకగా అందజేశారు. ఇంద్రకీలాద్రిపై దసరా ఉత్సవాల్లో పాల్గొనడం, మహిళా స్వయం సహాయక సంఘాల ఉత్పత్తుల కోసం ఏర్పాటు చేసిన జాతీయ సరస్ మేళాకు హాజరవడం పట్ల రాష్ట్రపతికి ధన్యవాదాలు తెలిపారు.

HIGHLIGHTS

- విజయవాడలో రాష్ట్రపతి ద్రౌపదీ ముర్ముతో లోకేశ్ భేటీ

- మంగళగిరి చేనేత చీర బహూకరణ

- ఏటికొప్పాక లక్క బొమ్మలు ప్రత్యేక కానుక

- దసరా ఉత్సవాలు, సరస్ మేళాకు రాష్ట్రపతి హాజరు

సమావేశ వివరాలను లోకేశ్ తన సోషల్ మీడియా ఖాతా ద్వారా పంచుకున్నారు. రాష్ట్రపతిని కలవడం గౌరవంగా భావిస్తున్నానని ఆయన పేర్కొన్నారు. ఈ కానుకలు రాష్ట్ర కళాకారుల వారసత్వానికి ప్రతీకలని తెలిపారు. రాష్ట్రపతి పర్యటనలోని తదుపరి కార్యక్రమాల కోసం అధికారులు ఏర్పాట్లు కొనసాగిస్తున్నారు.