ఉమ్మడి ఆంధ్రప్రదేశ్ ప్రభుత్వంలో పలు కీలక బాధ్యతలు నిర్వర్తించిన రిటైర్డ్ ఐఏఎస్ అధికారి డి.సి. రోశయ్య (79) కన్నుమూశారు. గత కొంతకాలంగా వృద్ధాప్య సంబంధిత అనారోగ్య సమస్యలతో బాధపడుతున్న ఆయన.. హైదరాబాద్‌లోని సోమాజిగూడలో ఉన్న తన నివాసంలో తుదిశ్వాస విడిచారు. ఆయన మరణవార్తతో పలువురు అధికారులు, సన్నిహితులు సంతాపం వ్యక్తం చేస్తున్నారు.
గుంటూరు జిల్లా మేడికొండూరు మండలం సిరిపురం గ్రామంలో 1946 అక్టోబర్ 4న డి.సి. రోశయ్య జన్మించారు. 1984లో ఆంధ్రప్రదేశ్ ప్రభుత్వ రెవెన్యూ సర్వీసులో చేరిన ఆయన.. తన సేవా ప్రస్థానంలో పలు బాధ్యతలు నిర్వహించారు. అంచెలంచెలుగా ఎదుగుతూ ఉన్నత స్థాయి పదవులను చేపట్టారు.
Highlights
- రిటైర్డ్ ఐఏఎస్ అధికారి డి.సి. రోశయ్య (79) కన్నుమూత
- హైదరాబాద్ సోమాజిగూడలోని నివాసంలో తుదిశ్వాస
- గుంటూరు జిల్లా సిరిపురంలో జన్మించిన రోశయ్య
- 1984లో ఏపీ ప్రభుత్వ రెవెన్యూ సర్వీసులో చేరిక
- 1994–1996 మధ్య మెదక్ జిల్లా కలెక్టర్‌గా బాధ్యతలు
- ఉమ్మడి ఏపీ రెవెన్యూ శాఖ కార్యదర్శిగా సేవలు
- 2006 జులైలో పదవీ విరమణ
1994 ఏప్రిల్ నుంచి 1996 డిసెంబర్ వరకు మెదక్ జిల్లా కలెక్టర్‌గా పనిచేశారు. ఆ సమయంలో జిల్లా పరిపాలనలో కీలక బాధ్యతలు నిర్వర్తించారు. అనంతరం ఉమ్మడి ఆంధ్రప్రదేశ్ రాష్ట్ర రెవెన్యూ శాఖ కార్యదర్శిగా 2005 మేలో బాధ్యతలు స్వీకరించారు. 2006 జులై వరకు ఆ పదవిలో కొనసాగి పదవీ విరమణ పొందారు.
తన సుదీర్ఘ ఉద్యోగ జీవితంలో రెవెన్యూ శాఖతో పాటు జిల్లా స్థాయి పరిపాలనలోనూ సేవలందించిన రోశయ్య.. సమర్థుడైన అధికారిగా గుర్తింపు పొందారు. ఆయన మృతి పట్ల పలువురు తమ సంతాపాన్ని తెలియజేస్తున్నారు.
Also Read- రాప్తాడు బాలికకు విజయవంతంగా సర్జరీ.. ప్రస్తుతం ఆమె ఆరోగ్య పరిస్థితి ఎలా ఉంది?