99TV News

    తిరుమల భక్తుల రద్దీ: సిఫార్సు లేఖలు నిలిపివేత

    తిరుమలకు పోటెత్తిన భక్తులు.. VIP బ్రేక్ దర్శనాలు తాత్కాలికంగా నిలిపివేత

    తిరుమలలో భక్తుల రద్దీ పెరగడంతో సిఫార్సు లేఖల స్వీకరణ నిలిపివేత

    వైకుంఠం క్యూ కాంప్లెక్స్ కంపార్టుమెంట్లు నిండిపోవడంతో సర్వదర్శనానికి 30 గంటల సమయం పడుతోంది

    వారాంతం కావడంతో శ్రీవారి దర్శనానికి తిరుమలకు భక్తులు భారీగా తరలివచ్చారు. 03/10/2026 ఉదయం 8 గంటలకు వైకుంఠం క్యూ కాంప్లెక్స్‌లో అన్ని కంపార్టుమెంట్లు నిండిపోగా, క్యూ లైన్లు ఆక్టోపస్ బిల్డింగ్ వరకు కొనసాగుతున్నాయని టీటీడీ అధికారులు తెలిపారు.

    8 గంటల తర్వాత క్యూ లైన్‌లోకి ప్రవేశించిన భక్తులకు సర్వదర్శనానికి 30 గంటలు పడుతుందని అధికారులు చెప్పారు. రూ.300 శీఘ్రదర్శనానికి 3 నుంచి 5 గంటలు, సర్వదర్శనం, దివ్యదర్శనం టోకెన్లు ఉన్న భక్తులకు 5 నుంచి 7 గంటలు పడుతుందని టీటీడీ వెల్లడించింది. రద్దీ దృష్ట్యా సిఫార్సు లేఖలు స్వీకరించబోమని, వీఐపీ బ్రేక్ దర్శనాలు తాత్కాలికంగా నిలిపివేస్తున్నామని స్పష్టం చేసింది.

    HIGHLIGHTS

    - సర్వదర్శనానికి 30 గంటలు

    - రూ.300 దర్శనానికి 3 నుంచి 5 గంటలు

    - శుక్రవారం 78,445 మంది దర్శనం

    - హుండీ ఆదాయం రూ.4.30 కోట్లు

    02/10/2026 78,445 మంది భక్తులు స్వామివారిని దర్శించుకోగా, 40,098 మంది తలనీలాలు సమర్పించారు. హుండీ ఆదాయం రూ.4.30 కోట్లు లభించింది. అలిపిరి తనిఖీ కేంద్రం వద్ద వాహన రద్దీ కొనసాగుతుండగా, మరో 2 రోజులు భక్తుల రద్దీ అధికంగా ఉండే అవకాశముందని టీటీడీ అంచనా వేసింది. భక్తులు సూచనలు పాటించాలని అధికారులు కోరారు.

    Also Read- తిరుపతి శ్రీ సిటీలో బాయిలర్ పేలుడు, హెల్త్‌కేర్ పరిశ్రమలో ఇద్దరు మృతి