99TV News

    కర్నూల్ ZP చైర్మన్ రేసు: ఉలిగయ్య పేరు ముందంజలో

    కర్నూల్ జడ్పీ చైర్మన్ రేసులో ఉలిగయ్య పేరు ముందంజలో

    టీడీపీ వర్గాల్లో కౌతాలం జడ్పీటీసీ ఉలిగయ్యపై చర్చ; వైస్ చైర్మన్ పదవికి మహిళా నేతల పేర్లు పరిశీలనలో

    కర్నూల్ జిల్లా పరిషత్ చైర్మన్ పదవికి టీడీపీ నుంచి కౌతాలం జడ్పీటీసీ ఉలిగయ్య పేరు బలంగా వినిపిస్తోంది. పార్టీ ఆవిర్భావం నుంచి టీడీపీలో కొనసాగుతున్న ఆయనకు ఈసారి అవకాశం దక్కే అవకాశాలు ఉన్నట్లు పార్టీ వర్గాల్లో చర్చ జరుగుతోంది.

    గత ఎలక్షన్‌లో మంత్రాలయం అసెంబ్లీ టికెట్ ఆశించిన ఉలిగయ్యకు అవకాశం రాకపోయినా, పార్టీ నిర్ణయానికి కట్టుబడి పనిచేశారని స్థానిక టీడీపీ వర్గాలు చెబుతున్నాయి. అదే అంశం ఆయన అభ్యర్థిత్వానికి అనుకూలంగా మారినట్లు తెలుస్తోంది.

    HIGHLIGHTS

    - కౌతాలం జడ్పీటీసీ ఉలిగయ్య పేరు ముందంజలో

    - దేవనకొండ జడ్పీటీసీ డాక్టర్ షేక్ సాదికా రేసులో

    - తొగ్గలి జడ్పీటీసీ గీతా కుమారి పేరూ పరిశీలనలో

    - వైస్ చైర్మన్ పదవికి మహిళా నేతకు అవకాశం

    దేవనకొండ జడ్పీటీసీ డాక్టర్ షేక్ సాదికా, తొగ్గలి జడ్పీటీసీ గీతా కుమారి పేర్లు కూడా చర్చలో ఉన్నట్లు పార్టీ వర్గాలు తెలిపాయి. అయితే చైర్మన్ పదవి ఉలిగయ్యకు దక్కితే, వైస్ చైర్మన్ పదవికి వీరిలో ఒకరికి అవకాశం ఉండొచ్చని అంచనా వేస్తున్నారు.

    అధికారిక నిర్ణయం టీడీపీ జిల్లా, రాష్ట్ర నాయకత్వం చర్చల తర్వాత వెలువడనుంది. సామాజిక సమీకరణాలు, పార్టీకి చేసిన సేవలు, స్థానిక రాజకీయ పరిస్థితులను పరిగణనలోకి తీసుకుని తుది నిర్ణయం తీసుకునే అవకాశం ఉంది.

    ఏపీ స్థానిక ఎన్నికలు — అభ్యర్థులు, పార్టీలు, జిల్లాల వివరాలు →