ఆంధ్రప్రదేశ్‌లో ఎంపీటీసీ, జడ్పీటీసీ ఎన్నికల పోలింగ్ సందర్భంగా వైఎస్సార్ కడప జిల్లాలో ఉద్రిక్త పరిస్థితులు నెలకొన్నాయి. ముఖ్యంగా పులివెందుల నియోజకవర్గ పరిధిలోని కొన్ని ప్రాంతాల్లో ఘర్షణలు చోటుచేసుకున్నాయి. పులివెందుల మండలం ఎర్రిపల్లెలోని పోలింగ్ కేంద్రం వద్ద ఇరు వర్గాల మధ్య ఘర్షణ తీవ్రరూపం దాల్చినట్లు సమాచారం. ఈ క్రమంలో పెట్రోల్ బాంబులు, రాళ్లతో దాడులు జరిగినట్లు కథనాలు వెలువడ్డాయి.
వివరాల్లోకి వెళ్తే.. ఎర్రిపల్లెలోని పోలింగ్ కేంద్రం వద్దకు పెద్ద సంఖ్యలో వైసీపీ కార్యకర్తలు చేరుకున్నారు. వారు పోలింగ్ బూత్‌లోకి వెళ్లేందుకు ప్రయత్నించగా విధుల్లో ఉన్న పోలీసులు అడ్డుకున్నారు. ఇదే సమయంలో అక్కడున్న టీడీపీ శ్రేణులకు, వైసీపీ కార్యకర్తలకు మధ్య వాగ్వాదం మొదలైంది.
Highlights
- కడప జిల్లాలో పరిషత్ ఎన్నికల పోలింగ్ సందర్భంగా ఉద్రిక్తత.
- పులివెందుల మండలం ఎర్రిపల్లెలో పోలింగ్ కేంద్రం వద్ద ఘర్షణ.
- వైసీపీ కార్యకర్తలను పోలీసులు అడ్డుకోవడంతో వాగ్వాదం ప్రారంభమైనట్లు సమాచారం.
- టీడీపీ, వైసీపీ వర్గాల మధ్య పరస్పర దాడులు.
- పెట్రోల్ బాంబులు, రాళ్లు విసిరినట్లు కథనాలు.
- పరిస్థితిని అదుపులోకి తెచ్చేందుకు భారీగా పోలీసుల మోహరింపు.
కొద్దిసేపటికే మాటల యుద్ధం తీవ్రరూపం దాల్చి ఇరు వర్గాలు పరస్పరం దాడులకు దిగినట్లు సమాచారం. ఈ క్రమంలో పెట్రోల్ బాంబులు, రాళ్లు విసురుకున్నట్లు కథనాలు పేర్కొంటున్నాయి. దీంతో పోలింగ్ కేంద్రం పరిసరాల్లో తీవ్ర ఉద్రిక్తత నెలకొంది.
సమాచారం అందుకున్న పోలీసులు వెంటనే అక్కడికి చేరుకుని ఇరు వర్గాలను చెదరగొట్టారు. మళ్లీ ఎలాంటి అవాంఛనీయ ఘటనలు చోటుచేసుకోకుండా పోలింగ్ కేంద్రం వద్ద అదనపు బలగాలను మోహరించి భద్రతను కట్టుదిట్టం చేశారు. ఈ ఘటనతో జిల్లాలోని ఇతర ప్రాంతాల్లో కొనసాగుతున్న పోలింగ్ పరిస్థితులపైనా ఆందోళన వ్యక్తమైంది.
Also Read- పరిషత్ ఎన్నికల్లో ఓటింగ్ జోరు.. ఉదయం 9 గంటలకే 11.71 శాతం పోలింగ్ నమోదు!