సుప్రీంకోర్టులో నేడు వైఎస్సార్‌సీపీ పిటిషన్‌పై విచారణ
మున్సిపల్ ఎన్నికల నామినేషన్ల గడువు పొడిగింపు, ఏకగ్రీవాలపై స్టే కోరిన వైఎస్సార్‌సీపీ
ఆంధ్రప్రదేశ్ మున్సిపల్ ఎన్నికల్లో నామినేషన్లు అడ్డుకున్నారనే ఆరోపణలపై వైఎస్సార్‌సీపీ దాఖలు చేసిన పిటిషన్‌పై సుప్రీంకోర్టులో ఇవాళ విచారణ జరగనుంది. జస్టిస్ జాయ్మాల్య భాగ్చి, జస్టిస్ మోహన ధర్మాసనం ఈ పిటిషన్‌ను పరిశీలించనుంది. ఏపీ హైకోర్టు తీర్పును సవాల్ చేస్తూ పార్టీ సుప్రీంకోర్టును ఆశ్రయించింది.
అర్బన్ లోకల్ బాడీల్లో నామినేషన్ గడువును పొడిగించాలని రాష్ట్ర ఎన్నికల సంఘానికి ఆదేశాలు ఇవ్వాలని వైఎస్సార్‌సీపీ కోరింది. ఏకగ్రీవ ఎన్నికల ప్రక్రియపై స్టే ఇవ్వాలని కూడా పిటిషన్‌లో విజ్ఞప్తి చేసింది.
HIGHLIGHTS
- నేడు సుప్రీంకోర్టులో విచారణ
- జస్టిస్ జాయ్మాల్య భాగ్చి ధర్మాసనం
- నామినేషన్ గడువు పొడిగింపు విజ్ఞప్తి
నామినేషన్ పేపర్లు స్వీకరించేందుకు అదనపు కేంద్రాలు ఏర్పాటు చేయాలని, ప్రక్రియను వీడియోగ్రఫీ చేయాలని పార్టీ కోరింది. అభ్యర్థులు, ప్రపోజర్లకు పోలీసు రక్షణ కల్పించాలని కూడా విజ్ఞప్తి చేసింది. పంజాబ్‌లో 50 వార్డుల ఎన్నికల రద్దు అంశాన్ని పిటిషన్‌లో ప్రస్తావించినట్లు తెలిసింది. ధర్మాసనం నిర్ణయంపైనే తదుపరి ఎన్నికల ప్రక్రియ దిశ ఆధారపడనుంది.