టెక్ దిగ్గజం మెటా మరో కీలక నిర్ణయం తీసుకుంది. మైక్రోసాఫ్ట్, గూగుల్ తర్వాత తాజాగా ఫేస్‌బుక్, ఇన్‌స్టాగ్రామ్ మాతృసంస్థ మెటా కూడా ఉద్యోగులకు వాలంటరీ ఎగ్జిట్ ఆఫర్ ప్రకటించింది. ఫ్రాన్స్‌లోని సుమారు 300 మంది ఉద్యోగుల్లో 100 మందికి స్వచ్ఛందంగా ఉద్యోగం వీడే అవకాశం కల్పిస్తున్నట్లు నివేదికలు వెల్లడించాయి.
10 నెలల జీతంతో ప్రత్యేక ప్యాకేజీ
ఈ పథకం కింద ఉద్యోగులు పనిచేసిన ప్రతి ఏడాదికి 2.15 నెలల జీతానికి సమానమైన పరిహారం అందించనున్నట్లు సమాచారం. అంతేకాకుండా గరిష్ఠంగా 10 నెలల కెరీర్ ట్రాన్సిషన్ లీవ్ సమయంలో స్థూల జీతంలో 80 శాతం చెల్లించే ప్రతిపాదన ఉంది. కొత్త ఉద్యోగం వెతుక్కోవడం, సొంత వ్యాపారం ప్రారంభించడం వంటి అంశాల్లోనూ సహాయం అందించనున్నారు.
Highlights
- ఫ్రాన్స్‌లో 100 మంది మెటా ఉద్యోగులకు వాలంటరీ ఎగ్జిట్ అవకాశం.
- ప్రతి సర్వీస్ ఏడాదికి 2.15 నెలల జీతం పరిహారం.
- గరిష్ఠంగా 10 నెలల కెరీర్ లీవ్.
- లీవ్ సమయంలో 80 శాతం జీతం చెల్లించే ప్రతిపాదన.
- భారత్‌లోని ఉద్యోగులకు ఈ పథకం వర్తిస్తుందని ప్రకటన లేదు.
భారత్‌లోని ఉద్యోగులకు వర్తిస్తుందా?
ఈ పథకానికి దరఖాస్తు గడువు నవంబర్ 5తో ముగిసినట్లు నివేదికలు తెలిపాయి. అయితే భారత్‌లోని మెటా ఉద్యోగులకు ఈ ఆఫర్ వర్తిస్తుందని సంస్థ ప్రకటించలేదు. మైక్రోసాఫ్ట్, గూగుల్ కూడా ఎంపిక చేసిన దేశాలు, విభాగాల్లో ఇలాంటి వాలంటరీ ఎగ్జిట్ పథకాలను అమలు చేస్తున్నాయి. ఏఐ పెట్టుబడులు, సంస్థాగత పునర్వ్యవస్థీకరణ, ఖర్చుల నియంత్రణ వంటి అంశాలు టెక్ రంగంలో ఉద్యోగాల స్వరూపాన్ని మారుస్తున్నాయి.
Also Read- ఎస్‌బీఐ Q2 ఫలితాలు: నికర లాభం రూ.23,038 కోట్లు, వడ్డీ ఆదాయంలో దూకుడు