పట్టణ స్థానిక సంస్థలకు ఆదాయం ఎలా వస్తుంది?
నగరాలు, పట్టణాల్లో మౌలిక సదుపాయాల కల్పన, పారిశుద్ధ్యం, తాగునీటి సరఫరా, ఇతర ప్రజాసేవల నిర్వహణ కోసం పట్టణ స్థానిక సంస్థలకు ఆదాయం అవసరం. ఈ సంస్థలకు ప్రధానంగా ఐదు మార్గాల ద్వారా నిధులు సమకూరుతాయి.
1. పన్నుల ఆదాయం: ఆస్తి పన్ను, వృత్తి పన్ను, ప్రకటనల పన్ను, నీటి పన్ను, మార్కెట్ పన్నులు, వివిధ సెస్‌లు ఇందులోకి వస్తాయి. ఆస్తి పన్ను అత్యంత ముఖ్యమైన ఆదాయ వనరు.
2. పన్నేతర ఆదాయం: మున్సిపల్ ఆస్తుల అద్దెలు, ఫీజులు, జరిమానాలు, వడ్డీ, రాయల్టీలు, నీటి సరఫరా, పారిశుద్ధ్యం, మురుగునీటి నిర్వహణ ఛార్జీలు ఈ విభాగంలో ఉంటాయి.
Also Read- మున్సిపాలిటీల అధికారాలు, విధులు ఏమిటి? రాజ్యాంగంలోని 12వ షెడ్యూల్‌లోని 18 అంశాలు ఇవే!
3. గ్రాంట్లు: కేంద్ర, రాష్ట్ర ప్రభుత్వాలు అభివృద్ధి కార్యక్రమాలు, మౌలిక సదుపాయాలు, పట్టణ సంస్కరణల కోసం నిధులు అందిస్తాయి.
4. నిధుల బదిలీ: రాష్ట్ర ఆర్థిక సంఘం సిఫార్సుల ఆధారంగా రాష్ట్ర ప్రభుత్వం పట్టణ స్థానిక సంస్థలకు నిధులను బదిలీ చేస్తుంది.
5. రుణాలు: మూలధన వ్యయాలు, మౌలిక సదుపాయాల అభివృద్ధి కోసం రాష్ట్ర ప్రభుత్వం, ఆర్థిక సంస్థల నుంచి రుణాలు పొందవచ్చు. నిబంధనల ప్రకారం అవసరమైన అనుమతులు తీసుకోవాలి.