ఇన్ సర్వీస్ టీచర్లకు రెండో టెట్ తేదీ ఖరారు
రాష్ట్రంలో ఇన్ సర్వీస్ టీచర్ల కోసం నిర్వహించనున్న రెండో టెట్ పరీక్ష తేదీ ఖరారైంది. నవంబర్ 19న రెండు షిఫ్టుల్లో ఆన్‌లైన్ విధానంలో పరీక్ష నిర్వహించనున్నట్లు టెట్ కన్వీనర్ జి. రమేశ్ తెలిపారు.
ఈ పరీక్షకు మొత్తం 10,586 మంది దరఖాస్తు చేసుకున్నారు. వీరిలో కొందరు పేపర్-1, పేపర్-2 రెండింటికీ దరఖాస్తు చేశారు. నవంబర్ 19న ఉదయం 2,591 మంది, మధ్యాహ్నం 7,995 మంది పరీక్ష రాయనున్నారు.
నవంబర్ 12 నుంచి హాల్ టికెట్లు
అభ్యర్థులు నవంబర్ 12వ తేదీ నుంచి పాఠశాల విద్యాశాఖ వెబ్‌సైట్‌లో హాల్ టికెట్లను డౌన్‌లోడ్ చేసుకోవచ్చని అధికారులు వెల్లడించారు. మొదట నవంబర్ 16 నుంచి 21 మధ్య పరీక్షలు నిర్వహిస్తామని ప్రకటించగా, తాజాగా నవంబర్ 19వ తేదీని ఖరారు చేశారు.
Highlights
నవంబర్ 19న రెండో టెట్ పరీక్ష
ఉదయం, మధ్యాహ్నం రెండు షిఫ్టుల్లో ఆన్‌లైన్ పరీక్ష
మొత్తం 10,586 మంది దరఖాస్తు
నవంబర్ 12 నుంచి హాల్ టికెట్లు డౌన్‌లోడ్