ఫ్లైదుబాయ్ ఘటనలో ఇద్దరు మాల్దీవుల పైలట్ల అరెస్టు
ఫ్లైదుబాయ్ ఘటనకు సంబంధించి యూఏఈ పోలీసులు మాల్దీవులకు చెందిన ఇద్దరు పైలట్లను అరెస్టు చేసినట్లు సమాచారం. అక్టోబర్ 3న వారిని అదుపులోకి తీసుకున్నట్లు మాల్దీవుల మీడియా వెల్లడించింది. ఈ విషయాన్ని వారి కుటుంబాలకు స్థానిక రాయబార కార్యాలయం తెలియజేసినట్లు పేర్కొంది.
ఫ్లైదుబాయ్ విమానంలో కెప్టెన్ స్మిత్ మచ్చర్‌పై దాడికి పాల్పడినట్లు ఆరోపణలు ఎదుర్కొంటున్న ఒమన్ పైలట్‌తో ఈ ఇద్దరికీ పరిచయం ఉందని, వారు ఒకే భవనంలో నివసిస్తున్నారని పోలీసులు అనుమానిస్తున్నట్లు సమాచారం.
సెప్టెంబర్ 30న జరిగిన ఈ ఘటనపై యూఏఈ అధికారులు దర్యాప్తు కొనసాగిస్తున్నారు. అయితే, అరెస్టయిన ఇద్దరు పైలట్లకు ఈ ఘటనతో ఉన్న సంబంధం ఏమిటన్న దానిపై అధికారులు ఇప్పటివరకు అధికారిక వివరాలు వెల్లడించలేదు.