కేజీఎఫ్' సిరీస్తో పాన్ ఇండియా స్థాయిలో సంచలనం సృష్టించిన రాకింగ్ స్టార్ యాష్ (Yash), ఇప్పుడు తన తాజా చిత్రం 'టాక్సిక్' (Toxic)తో బాక్సాఫీస్ వద్ద మరోసారి సునామీ సృష్టించేందుకు సిద్ధమయ్యారు. గీతూ మోహన్దాస్ దర్శకత్వంలో తెరకెక్కిన ఈ మోస్ట్ అవేటెడ్ యాక్షన్ అండ్ రివేంజ్ డ్రామా సెన్సార్ పనులు పూర్తి చేసుకుంది. ప్రస్తుతం ఈ చిత్ర సెన్సార్ రిపోర్ట్ సోషల్ మీడియాలో హాట్ టాపిక్గా మారింది.
ఒక్క సీన్ కూడా కట్ అవ్వలేదు..
సాధారణంగా సినిమాల్లో హింసాత్మక సన్నివేశాలు కాస్త శృతి మించితే సెన్సార్ బోర్డు (CBFC) కత్తెర వేయడానికి ఏమాత్రం వెనుకాడదు. హాలీవుడ్ చిత్రాలైన 'స్పైడర్ మ్యాన్', 'సూపర్ మ్యాన్' లాంటి సినిమాల్లోని ముద్దు సన్నివేశాలపై సైతం ఆంక్షలు విధించిన సందర్భాలు ఉన్నాయి. కానీ, 'టాక్సిక్' లాంటి హై-వోల్టేజ్ వైలెంట్ యాక్షన్ డ్రామాకు మాత్రం బోర్డు ఒక్క సీన్ కూడా కట్ చేయకుండా 'ఏ' (A - Adults Only) సర్టిఫికెట్ జారీ చేయడం విశేషం.
కన్నడ, ఇంగ్లిష్ భాషల్లో రూపొందిన ఈ సినిమా నిడివి 3 గంటల 12 నిమిషాలు. కన్నడ వెర్షన్లో కేవలం రెండు అభ్యంతరకర పదాలను మ్యూట్ చేయాలని, అలాగే పొగతాగడం, మద్యానికి సంబంధించిన సన్నివేశాల్లో కచ్చితంగా హెచ్చరిక లైన్ను జోడించాలని మాత్రమే బోర్డు సూచించినట్లు సమాచారం. ఇది మినహా చిత్రంలో ఎలాంటి కోత పడలేదు.
HIGHLIGHTS
జీరో కట్స్: భారీ యాక్షన్ సన్నివేశాలు ఉన్నప్పటికీ ‘టాక్సిక్’ చిత్రానికి ఎలాంటి కట్స్ లేకుండా ‘ఏ’ సర్టిఫికెట్ ఇచ్చిన సెన్సార్ బోర్డు.
నిడివి: 3 గంటల 12 నిమిషాల సుదీర్ఘ రన్టైమ్తో చిత్రం ప్రేక్షకుల ముందుకు రానుంది.
సెన్సార్ సూచనలు: కన్నడ వెర్షన్లో కేవలం రెండు పదాలను మ్యూట్ చేయాలని, ధూమపానం మరియు మద్యపాన సన్నివేశాలకు చట్టబద్ధమైన హెచ్చరికలు జోడించాలని సూచించారు.
స్టార్ కాస్ట్: యశ్తో పాటు నయనతార, కియారా అద్వాణీ, హుమా ఖురేషీ, తారా సుతారియా, రుక్మిణి వసంత్ తదితరులు కీలక పాత్రల్లో నటించారు.
రిలీజ్: ‘టాక్సిక్’ చిత్రం ఆగస్టు 26, 2026న ప్రపంచవ్యాప్తంగా భారీ స్థాయిలో విడుదల కానుంది.
పెద్దల కోసం మాత్రమే తీసిన సినిమా..
ఇటీవల ఒక ఇంటర్వ్యూలో యాష్ మాట్లాడుతూ.. "ఇది కచ్చితంగా పెద్దల కోసం మాత్రమే ఎంతో నిజాయితీగా తీసిన చిత్రం. ఇందులో ప్రతి సన్నివేశం ప్రేక్షకుడిని ఆలోచింపజేస్తుంది" అని స్పష్టం చేశారు. ఆయన చెప్పినట్లుగానే, సినిమాలోని ఇంటెన్సిటీకి ఏమాత్రం భంగం కలగకుండా సెన్సార్ సభ్యులు గ్రీన్ సిగ్నల్ ఇవ్వడం అభిమానుల్లో మరింత ఉత్సాహాన్ని నింపుతోంది.
కెవిఎన్ ప్రొడక్షన్స్ (KVN Productions) అత్యంత భారీ బడ్జెట్తో నిర్మిస్తున్న ఈ చిత్రంలో యాష్కు జోడీగా బాలీవుడ్ బ్యూటీ కియారా అడ్వాణీ నటిస్తుండగా, లేడీ సూపర్స్టార్ నయనతార, హుమా ఖురేషీ, రుక్మిణి వసంత్, తారా సుతారియా అత్యంత కీలకమైన పాత్రల్లో కనిపించనున్నారు. అన్ని కార్యక్రమాలు పూర్తి చేసుకున్న ఈ మెగా యాక్షన్ ఎంటర్టైనర్, ఆగస్టు 26న ప్రపంచవ్యాప్తంగా థియేటర్లలోకి దిగనుంది.
