APలో భారీ పెట్టుబడులు.. సుజ్లాన్ గ్రీన్ ఎనర్జీ ప్రాజెక్టులకు శ్రీకారం!
Suzlon Projects | ఏపీలో పునరుత్పాదక ఇంధన రంగాన్ని మరింత విస్తరించే దిశగా సుజ్లాన్ ప్రాజెక్టులు కీలక అడుగు అని మంత్రి నారా లోకేశ్ అన్నారు. రాష్ట్రంలో చేపట్టనున్న కొత్త ప్రాజెక్టులతో వేలాది ఉద్యోగాలు అందుబాటులోకి రానున్నాయని తెలిపారు.
అనంతపురం: ఆంధ్రప్రదేశ్ను దేశంలోనే ప్రముఖ పునరుత్పాదక ఇంధన రాష్ట్రంగా తీర్చిదిద్దడమే లక్ష్యంగా ప్రభుత్వం పనిచేస్తోందని విద్య, ఐటీ శాఖల మంత్రి నారా లోకేశ్ తెలిపారు. రాయదుర్గం నియోజకవర్గం కనేకల్ మండలం హులికేరు వద్ద సుజ్లాన్ విండ్ ఎనర్జీ ప్రాజెక్టులకు మంగళవారం శంకుస్థాపన చేసిన అనంతరం ఆయన మాట్లాడారు.
1,325 మెగావాట్ల సామర్థ్యంతో కొత్త ప్రాజెక్టులు-
ప్రస్తుతం చేపడుతున్న సుజ్లాన్ ప్రాజెక్టుల ద్వారా మొత్తం 1,325 మెగావాట్ల పునరుత్పాదక ఇంధన సామర్థ్యం అందుబాటులోకి రానుంది. వీటి కోసం సుమారు రూ.10 వేల కోట్ల పెట్టుబడులు రానున్నాయని లోకేశ్ తెలిపారు.
ఈ ప్రాజెక్టుల ద్వారా ప్రత్యక్ష, పరోక్షంగా కలిపి 4,000కుపైగా ఉద్యోగాలు ఏర్పడే అవకాశం ఉందన్నారు.
సుజ్లాన్కు ఇప్పటికే ఆంధ్రప్రదేశ్లో సుమారు 1,600 మెగావాట్ల స్థాపిత సామర్థ్యం ఉందని మంత్రి తెలిపారు. మరో 2,700 మెగావాట్ల ప్రాజెక్టులు అభివృద్ధి, నిర్మాణ దశలో ఉన్నాయని వెల్లడించారు. అనంతపురం ప్రాంతంలోనే దాదాపు 1,300 మెగావాట్ల కొత్త విండ్ పవర్ ప్రాజెక్టులు అభివృద్ధి చేస్తున్నట్లు చెప్పారు.
రెండు దశాబ్దాలుగా ఏపీలో సుజ్లాన్ ప్రస్థానం-
గత రెండు దశాబ్దాలుగా సుజ్లాన్ ఆంధ్రప్రదేశ్లో బలమైన విండ్ ఎనర్జీ ఎకోసిస్టమ్ను అభివృద్ధి చేసిందని లోకేశ్ పేర్కొన్నారు.
సుజ్లాన్ వ్యవస్థాపకుడు దివంగత తులసి తంతి పునరుత్పాదక ఇంధనానికి ప్రాధాన్యం ఇచ్చిన విషయాన్ని ఈ సందర్భంగా గుర్తు చేశారు. ప్రపంచవ్యాప్తంగా క్లీన్ ఎనర్జీపై దృష్టి పెరగడానికి చాలా ముందుగానే ఆయన పునరుత్పాదక ఇంధన ప్రాధాన్యాన్ని గుర్తించారని తెలిపారు.
అనంతపురం ప్లాంట్లో 1,260 మెగావాట్ల తయారీ సామర్థ్యం-
అనంతపురంలోని సుజ్లాన్ తయారీ కేంద్రానికి ఏడాదికి సుమారు 1,260 మెగావాట్ల తయారీ సామర్థ్యం ఉందని లోకేశ్ తెలిపారు.
ఈ కేంద్రం ద్వారా దాదాపు 1,200 మందికి ప్రత్యక్ష ఉపాధి లభిస్తుండగా.. వారిలో 70 శాతానికి పైగా స్థానికులేనని చెప్పారు. రాష్ట్రవ్యాప్తంగా సుజ్లాన్ ఇప్పటికే 2,000కుపైగా గ్రీన్ జాబ్స్ కల్పించిందని పేర్కొన్నారు.
గాలి, సౌర విద్యుత్తో పాటు స్టోరేజీపై దృష్టి-
భవిష్యత్ ఇంధన అవసరాలను తీర్చేందుకు కేవలం విండ్, సోలార్ విద్యుత్ ఉత్పత్తి మాత్రమే కాకుండా ఎనర్జీ స్టోరేజీ వ్యవస్థలను కూడా అభివృద్ధి చేయాల్సిన అవసరం ఉందని లోకేశ్ అన్నారు.
ఆంధ్రప్రదేశ్లో భారీ డేటా సెంటర్ ఎకోసిస్టమ్ను అభివృద్ధి చేస్తున్నామని తెలిపారు. ప్రతిపాదిత డేటా సెంటర్ల సామర్థ్యం 6.5 గిగావాట్లకు చేరుకోనుందని చెప్పారు.
డిజిటల్ మౌలిక వసతులకు అవసరమైన విద్యుత్ను అందించేందుకు దాదాపు 25 గిగావాట్ల పునరుత్పాదక ఇంధన సామర్థ్యానికి డిమాండ్ ఏర్పడే అవకాశం ఉందని వివరించారు.
175 గిగావాట్ల రెన్యూవబుల్ ఎనర్జీ లక్ష్యం-
ఆంధ్రప్రదేశ్ ప్రభుత్వం రాష్ట్రంలో 175 గిగావాట్ల పునరుత్పాదక ఇంధన సామర్థ్యాన్ని లక్ష్యంగా పెట్టుకున్నట్లు లోకేశ్ తెలిపారు.
విండ్, సోలార్ పవర్తో పాటు గ్రీన్ హైడ్రోజన్, గ్రీన్ అమ్మోనియా, గ్రీన్ డేటా సెంటర్లు వంటి రంగాలను కూడా అభివృద్ధి చేసేందుకు ప్రభుత్వం చర్యలు చేపడుతోందన్నారు.
22 పారిశ్రామిక క్లస్టర్ల అభివృద్ధి-
రాష్ట్రవ్యాప్తంగా 22 పారిశ్రామిక క్లస్టర్లను ప్రభుత్వం అభివృద్ధి చేస్తోందని మంత్రి తెలిపారు. వీటిలో ఎనర్జీ, డేటా సెంటర్లు, ఎలక్ట్రానిక్స్, ఫార్మాస్యూటికల్స్, ఆటోమొబైల్స్, కెమికల్స్, ఫిషరీస్, ఆక్వాకల్చర్, తయారీ వంటి రంగాలకు ప్రాధాన్యం ఇస్తున్నట్లు చెప్పారు.
12 వేల మంది యువతకు గ్రీన్ ఎనర్జీ శిక్షణ-
సుజ్లాన్తో ఆంధ్రప్రదేశ్ ప్రభుత్వం భాగస్వామ్యంలో భాగంగా సుమారు 12,000 మంది యువతకు గ్రీన్ ఎనర్జీ రంగంలో ఉద్యోగాలకు అవసరమైన శిక్షణ అందిస్తున్నట్లు లోకేశ్ తెలిపారు.
వీరిలో 25 శాతం మంది మహిళలు ఉండేలా కార్యక్రమాన్ని రూపొందించినట్లు చెప్పారు.
ఉరవకొండ, విజయవాడలోని స్కిల్ డెవలప్మెంట్ సెంటర్ల ద్వారా ఇంజినీర్లు, టెక్నీషియన్లకు పునరుత్పాదక ఇంధన రంగానికి అవసరమైన నైపుణ్య శిక్షణ అందిస్తున్నట్లు మంత్రి వెల్లడించారు.
ఏపీ క్లీన్ ఎనర్జీకి కొత్త ఊపు-
సుజ్లాన్ కొత్త ప్రాజెక్టులు, గ్రీన్ హైడ్రోజన్, గ్రీన్ డేటా సెంటర్లు, ఎనర్జీ స్టోరేజీ వంటి రంగాల అభివృద్ధితో ఆంధ్రప్రదేశ్ను క్లీన్ ఎనర్జీ హబ్గా తీర్చిదిద్దే దిశగా ప్రభుత్వం అడుగులు వేస్తోందని లోకేశ్ తెలిపారు.
