ఐదు రాష్ట్రాల ఎన్నికలపై బీజేపీ కసరత్తు.. నితిన్ నబీన్ అధ్యక్షతన కీలక భేటీ
రాబోయే ఐదు రాష్ట్రాల అసెంబ్లీ ఎన్నికల నేపథ్యంలో భారతీయ జనతా పార్టీ కీలక సమావేశం నిర్వహించింది. పార్టీ అధ్యక్షుడు నితిన్ నబీన్ అధ్యక్షతన జరిగిన ఈ భేటీకి కేంద్ర హోంమంత్రి అమిత్ షా హాజరయ్యారు. ఉత్తరప్రదేశ్, పంజాబ్ సహా ఐదు రాష్ట్రాల్లో ఎన్నికలకు సంబంధించిన అంశాలపై నేతలు చర్చించినట్లు సమాచారం.
ఎన్నికల సన్నద్ధత, పార్టీ కార్యాచరణకు సంబంధించిన అంశాలతో పాటు, ఓటర్ల జాబితాల ప్రత్యేక సమగ్ర సవరణ ప్రక్రియ (SIR)కు వ్యతిరేకంగా ఇండియా కూటమి చేపడుతున్న నిరసనల అంశం కూడా సమావేశంలో చర్చకు వచ్చినట్లు తెలుస్తోంది.
ఎన్నికలు జరగనున్న రాష్ట్రాల్లో పార్టీ కార్యక్రమాలు, రాజకీయ పరిణామాలు, ప్రతిపక్షాల వైఖరిపై నాయకులు దృష్టి సారించినట్లు సమాచారం. అయితే, సమావేశంలో తీసుకున్న నిర్దిష్ట నిర్ణయాలు, ఎన్నికల ప్రచారానికి సంబంధించి ప్రకటించిన కార్యాచరణపై మరిన్ని వివరాలు వెల్లడికావాల్సి ఉంది.