భద్రాద్రికొత్తగూడెంలో గంజాయి కేసు: 6 మంది అరెస్ట్

దమ్మపేటలో గంజాయి కేసులో ఆరుగురు అరెస్ట్

5.3 కిలోల గంజాయి, నాటు తుపాకీ, మందుగుండు సామగ్రి స్వాధీనం చేసుకున్న పోలీసులు

భద్రాద్రి కొత్తగూడెం జిల్లా దమ్మపేట మండలం కోడిశలగూడెంలో గంజాయి విక్రయాలు, అనుమతి లేని నాటు తుపాకీ కేసులో ఆరుగురిని అరెస్ట్ చేసి రిమాండ్‌కు తరలించినట్లు పోలీసులు తెలిపారు.

అటవీ జంతువుల వేటకు నాటు తుపాకీ ఉందన్న పక్కా సమాచారంతో అటవీ, పోలీస్ అధికారులు పెనుబల్లి నాగు ఇంట్లో తనిఖీలు నిర్వహించారు. పెనుబల్లి నాగు, పెనుబల్లి రవి, తాటి సాయికృష్ణ, పెనుబల్లి శ్రీను, తాటి నవీన్, సప్పిడి సమ్మయ్య వద్ద నుంచి సుమారు రూ.3 లక్షల విలువైన 5.3 కిలోల గంజాయి, నాటు తుపాకీ, మందుగుండు సామగ్రి స్వాధీనం చేసుకున్నట్లు అధికారులు చెప్పారు.

HIGHLIGHTS

- 6 మంది నిందితులు అరెస్ట్

- 5.3 కిలోల గంజాయి స్వాధీనం

- రూ.3 లక్షల విలువగా అంచనా

- నాటు తుపాకీ, మందుగుండు సామగ్రి స్వాధీనం

ఆంధ్ర–ఒడిశా సరిహద్దు డొంకరాయి వద్ద రామ అనే వ్యక్తి నుంచి గంజాయి కొనుగోలు చేసి దమ్మపేట మండలంలో విక్రయిస్తున్నట్లు విచారణలో తేలిందని పోలీసులు తెలిపారు. ఫారెస్ట్ రేంజ్ ఆఫీసర్ శ్రీను ఫిర్యాదు మేరకు దమ్మపేట పోలీస్ స్టేషన్‌లో కేసు నమోదు చేశారు. పాల్వంచ డీఎస్పీ సతీష్‌కుమార్, అశ్వారావుపేట సీఐ నాగరాజు, దమ్మపేట ఎస్సై రాజేష్ ఆధ్వర్యంలో తదుపరి దర్యాప్తు కొనసాగనుంది.