99TV News

    మత్స్యకారుల ఐక్యతపై హరికృష్ణ హెచ్చరిక | Kollapur

    మత్స్యకారుల ఐక్యతను దెబ్బతీయొద్దు: మంత్రి జూపల్లికి హరికృష్ణ హెచ్చరిక

    మత్స్యకారుల ఐక్యతను దెబ్బతీయొద్దని హరికృష్ణ డిమాండ్

    కల్వకోల్ గ్రామంలో పండుగ సాయన్న విగ్రహం అంశంపై రాజకీయ జోక్యం మానాలని బీఆర్ఎస్ నేత హెచ్చరిక

    నాగర్కర్నూల్ జిల్లా కొల్లాపూర్ పరిధిలోని కల్వకోల్ గ్రామ మత్స్యకారుల మధ్య విగ్రహాల పేరుతో విభేదాలు సృష్టించే ప్రయత్నాలు ఆపాలని బీఆర్ఎస్ నాయకుడు హరికృష్ణ శుక్రవారం మంత్రి జూపల్లి కృష్ణారావును డిమాండ్ చేశారు.

    ప్రశాంతంగా ఉన్న మత్స్యకారుల ఐక్యతను దెబ్బతీసేలా పండుగ సాయన్న విగ్రహం అంశంలో రాజకీయ జోక్యం జరుగుతోందని హరికృష్ణ ఆరోపించారు. “పండుగ సాయన్న బహుజనుల ఆత్మగౌరవానికి ప్రతీక” అని కొల్లాపూర్‌లో ఆయన అన్నారు. గ్రామ మత్స్యకారులు ఐక్యంగా విగ్రహ ఏర్పాటుకు సిద్ధమవుతుంటే మరో విగ్రహం ఏర్పాటు చేయాలనే ప్రయత్నం ఎందుకని ప్రశ్నించారు.

    “మత్స్యకారుల అభిప్రాయాలను గౌరవించకుండా పట్టుదలకు పోవడం సరికాదు” అని హరికృష్ణ అన్నారు. వేరే గ్రామంలో వ్యతిరేకత వచ్చిన విగ్రహాన్ని కల్వకోల్‌లో పెట్టాలనుకోవడం వెనుక ఉద్దేశం స్పష్టం చేయాలని కోరారు.

    Also Read- రేవంత్ మాటల్లో కేసీఆర్, చంద్రబాబు ప్రభావం: జీవన్‌రెడ్డి

    HIGHLIGHTS

    - కల్వకోల్ గ్రామంలో విగ్రహ వివాదం

    - మంత్రి జూపల్లి కృష్ణారావుకు హరికృష్ణ డిమాండ్

    - నవంబర్ 21న ప్రపంచ మత్స్యకార దినోత్సవం

    - “విగ్రహాలను రాజకీయాలకు వేదిక చేయొద్దు”

    ప్రతి సంవత్సరం నవంబర్ 21న కొల్లాపూర్‌లో ప్రపంచ మత్స్యకార దినోత్సవం సందర్భంగా అన్ని పార్టీల నాయకులు ఒకే వేదికపైకి రావడం ఆనవాయితీగా ఉందని ఆయన గుర్తుచేశారు. “మత్స్యకారుల ఐక్యతను విచ్ఛిన్నం చేయడమే లక్ష్యమా” అని హరికృష్ణ ప్రశ్నించారు. మంత్రి జూపల్లి వెంటనే జోక్యం చేసుకుని వివాదానికి ముగింపు పలకాలని ఆయన కోరారు.