రైతులపై కాంగ్రెస్ విఫలమైంది: ధర్మపురి అరవింద్
కేసీఆర్, రేవంత్ ఒకరినొకరు కాపాడుకుంటున్నారని నిజామాబాద్ ఎంపీ ఆరోపణ
తెలంగాణలో రైతుల పరిస్థితి తీవ్రంగా మారిందని నిజామాబాద్ ఎంపీ ధర్మపురి అరవింద్ గురువారం నిజామాబాద్‌లో అన్నారు. ఎల్‌నినో ప్రభావం తెలిసినా కాంగ్రెస్ ప్రభుత్వం ముందస్తు చర్యలు తీసుకోలేదని ఆయన ఆరోపించారు. రైతులకు ఎకరానికి రూ.50 వేల పరిహారం ప్రకటించిన తర్వాతే క్రాప్ హాలిడేపై నిర్ణయం తీసుకోవాలని డిమాండ్ చేశారు.
మీడియా సమావేశంలో మాట్లాడిన అరవింద్ రాష్ట్ర ప్రభుత్వంపై విమర్శలు చేశారు. “తెలంగాణలో రైతుల పరిస్థితి పెనం మీద నుంచి పొయ్యిలో పడినట్లుగా మారింది” అని నిజామాబాద్ ఎంపీ ధర్మపురి అరవింద్ నిజామాబాద్‌లో అన్నారు. సాగునీటి ప్రాజెక్టుల డిజైన్ల మార్పుల వెనుక భారీ అవినీతి ఉందని ఆయన ఆరోపించారు. “కేసీఆర్, రేవంత్ రెడ్డి ఒకరినొకరు కాపాడుకుంటున్నారు” అని ఆయన వ్యాఖ్యానించారు.
Also Read- బండారు దత్తాత్రేయ ఆధ్వర్యంలో నాంపల్లిలో ఘనంగా అలయ్ బలయ్
HIGHLIGHTS
- ఎకరానికి రూ.50 వేల పరిహారం డిమాండ్
- కాంగ్రెస్, బీఆర్ఎస్‌పై అరవింద్ విమర్శలు
- మాధవనగర్ ఆర్వోబీపై ఆందోళన హెచ్చరిక
రాజకీయాలపై స్పందిస్తూ, 2029 ఎన్నికల్లో కాంగ్రెస్, బీఆర్ఎస్ పార్టీలను రాజకీయంగా గల్లంతు చేస్తామని అరవింద్ ధీమా వ్యక్తం చేశారు. “వచ్చే ఎన్నికల్లో బీజేపీ సునామీ సృష్టిస్తుంది” అని ఎంపీ అన్నారు. ఏ పార్టీతోనూ పొత్తు ఉండదని స్పష్టం చేశారు. బీజేపీ అధికారంలోకి వస్తే పసుపు రైతులకు క్వింటాల్‌కు రూ.50 వేల ధర కల్పిస్తామని, అవసరమైతే బాండ్ పేపర్ ఇస్తానని తెలిపారు.
రైల్వే బ్రిడ్జిల నిర్మాణాలు నిలిచిపోవడానికి రాష్ట్ర ప్రభుత్వమే కారణమని అరవింద్ ఆరోపించారు. నిజామాబాద్ మాధవనగర్ రైల్వే ఓవర్ బ్రిడ్జి నిర్మాణంపై త్వరలో ఆందోళన చేపడతామని చెప్పారు. రైతుల సమస్యలు, పసుపు ధరలు, ఆర్వోబీ అంశాలపై ప్రభుత్వంపై ఒత్తిడి పెంచనున్నట్లు తెలిపారు.
Also Read- సంజీవయ్య పార్కు పరిసరాల్లో నేటి నుంచి 24 వరకు ట్రాఫిక్ ఆంక్షలు